Foto: abt.uz

Prezidentning 28-avgustdagi qarori bilan Jizzax shahrida Qozon federal universiteti filiali tashkil etildi, deb xabar bermoqda Adliya vazirligi matbuot xizmati.

Qarorga ko‘ra, filialda quyidagi bakalavriat ta’lim yo‘nalishlari va magistratura mutaxassisliklari bo‘yicha kadrlar tayyorlanadi:

• geologiya;
• dasturiy injiniring;
• iqtisodiyot;
• mashinasozlik;
• davolash ishi;
• stomatologiya;
• farmatsiya;
• tibbiy biokimyo.

Filial Qozon federal universitetining (Rossiya) yuridik shaxs maqomiga ega bo‘lgan tarkibiy bo‘linmasi hisoblanadi. Ta’lim faoliyati 2022/2023-o‘quv yilidan boshlanadi va kunduzgi, sirtqi va boshqa ta’lim shakllarida olib boriladi.

Qabul parametrlari manfaatdor vazirlik va idoralarning kadrlarga bo‘lgan real ehtiyojini hisobga olib, filial tomonidan tasdiqlanadi.

Talabalarni o‘qishga qabul qilish davlat granti hamda to‘lov-kontrakt asosida amalga oshiriladi. Bunda, davlat granti asosida ta’lim olgan filial bitiruvchilari 3 yildan kam bo‘lmagan muddatga majburiy ishlab berish sharti bilan O‘zbekistonning davlat organlari va tashkilotlariga taqsimlanadi.

Bitiruvchilarga O‘zbekiston va Rossiyada oliy ma’lumot sifatida tan olinadigan universitetning belgilangan namunadagi diplomi beriladi.

Qarorga ko‘ra, 2021/2022-o‘quv yilidan universitet O‘zbekiston Milliy universitetining Jizzax filiali bilan hamkorlikda dasturiy injiniring, farmatsiya va axborot tizimlari va texnologiyalari ta’lim yo‘nalishlari bo‘yicha kadrlar tayyorlashni boshlaydi hamda mazkur yo‘nalishlarda o‘qishga qabul qilingan talabalar kelgusida o‘qishlarini filialda davom ettiradi.

2022-yil yakunigacha filial tarkibida OpenLab ilmiy-tadqiqot laboratoriyasi tashkil etiladi.

Manba: daryo.uz

Prognozlashtirish va makroiqtisodiy tadqiqotlar instituti tomonidan ishlab chiqilgan metodologiya asosida O‘zbekistonning 14 ta hududi bo‘yicha 2021 yilning yanvar va iyul oylari uchun “Hududlarda iqtisodiy faollik barometri” (IFB) baholandi va hududlar reytingi tuzildi. Bu haqda institut matbuot xizmati Kun.uz’ga ma’lum qildi.

Baholash natijalariga ko‘ra, joriy yilning yanvar-iyul oylarida Toshkent shahri eng yuqori faollik barometri indeksi bilan reytingda 1-o‘rinni egalladi. Keyingi o‘rinlarni Samarqand va Sirdaryo viloyatlari egalladi.

Nisbatan past ko‘rsatkichlar Navoiy, Surxondaryo va Andijon viloyatlarida kuzatildi.

Prognozlashtirish va makroiqtisodiy tadqiqotlar instituti loyiha rahbari Sherzod Otaboyevga ko‘ra, iqtisodiy faollikni baholashda 5 ko‘rsatkich hisobga olinadi.

“Eng birinchi ishlab chiqarish faolligi, ya’ni hududda sanoat mahsulotlari va iste’mol tovarlari ishlab chiqarish, qurilish ishlari, xizmat ko‘rsatish va chakana savdo aylanmasi hajmlaridagi o‘sish sur’atlarini ifodalaydigan 5 ta ko‘rsatkich hisobga olinadi.

Tadbirkorlik faolligini ham 5 ko‘rsatkich bilan ifodaladik. Bunda faoliyat yuritayotgan kichik biznes sub’yektlari, yangi tashkil etilgan va faoliyatini tugatgan kichik biznes sub’yektlari sonining o‘sish sur’atlari, faoliyat yuritmayotgan va faoliyatini ixtiyoriy tugatish jarayonidagi kichik biznes sub’yektlarining ro‘yxatdan o‘tgan jami kichik biznes sub’yektlari sonidagi ulushi hisobga olindi. Tashqi savdo faolligi – tovar va xizmatlar eksport-import hajmlarining o‘sish sur’atlarini ifodalaydigan 2 ta ko‘rsatkich ham muhim omil bo‘ldi.

IFBni hisoblashda nisbiy farqlar va o‘zaro taqqoslash uslublaridan foydalanildi va IFB ko‘rsatkichi integral indeksda ifodalandi. Bunda “0”dan “1”gacha qiymatga ega bo‘lgan integral indeks qancha “1”ga yaqin bo‘lsa, joriy faollik darajasi shuncha yuqoriligini anglatadi va aksincha”, – deydi u.

Toshkent shahri va Sirdaryo viloyati ishlab chiqarish va tashqi savdo faolligi, Samarqand viloyati tashqi savdo va tadbirkorlik faolligi nisbatan yuqori ko‘rsatkichlarga ega bo‘lgani sababli IFB bo‘yicha reytingda yuqori o‘rinlarni egalladi.

Shuningdek, tadqiqotda 2021 yilning yanvar-iyul davrida yanvar-iyun davriga nisbatan IFBning o‘zgarishi baholandi.

Unga ko‘ra, ijobiy o‘zgarishlar Toshkent shahri, Xorazm, Farg‘ona, Andijon, Navoiy viloyatlarida yuz berdi va mazkur viloyatlar IFB bo‘yicha tuzilgan reytingda o‘z o‘rinlarini yaxshilashga erishdi. Ammo Sirdaryo, Jizzax va Surxondaryo viloyatlarida pasayish kuzatildi.

Ma’lumot uchun, IFB (iqtisodiy faollik barometri) joriy yilning ma’lum bir davrida o‘tgan yilning mos davriga nisbatan hududlar o‘rtasida kuzatilgan iqtisodiy faollik darajasini ko‘rsatadi va u har oyda hisoblab boriladi.

foto: ijtimoiy tarmoqdan olindi

Bugundan yangi dizayndagi 5 ming va 10 mingtalik kupyuralar muomalaga chiqarildi. bu haqida bir qator ommaviy axborot vostalarda xabar berilmoqda. Markaziy bankning ma’lum qilishicha shu vaqtgacha muamalada bo’lgan 5 ming va 10 mingtalik kupyhuralar ham muomalada qoladi. Eslatib o’tamiz, ayni vaqtdaga qadar amaldagi pul kup yuralarining yangicha ko’rinishda yangilanishi hali ro’y bermagandi.

foto: pixabay

Ish haqi, pensiyalar, stipendiyalar va nafaqalar miqdori oshiriladi

Prezident farmoni bilan 2021 yil 1 sentyabrdan boshlab O‘zbekistonda minimal pensiya va nafaqalar miqdori oshiriladi.

Farmonga ko‘ra:

• mehnatga haq to‘lashning eng kam miqdori – oyiga 822 ming so‘m;
• bazaviy hisoblash miqdori – oyiga 270 ming so‘m;
• pensiyani hisoblashning bazaviy miqdori – oyiga 289 ming so‘m;
• yoshga doir eng kam pensiyalar – oyiga 565 ming so‘m;
• bolalikdan nogironligi bo‘lgan shaxslarga beriladigan nafaqa – oyiga 622 ming so‘m;
• zarur ish stajiga ega bo‘lmagan keksa yoshdagi va mehnatga layoqatsiz fuqarolarga beriladigan nafaqa – oyiga 440 ming so‘m;
• ish staji to‘liq bo‘lmagan chog‘dagi pensiyalarning eng kam miqdori qo‘shimcha to‘lovni hisobga olgan holda – oyiga 440 ming so‘m;
• belgilangan yoshga doir eng kam pensiya miqdoridan 623 ming so‘mgacha, pensiya oluvchilarning yoshga doir va nogironlik bo‘yicha pensiyalari miqdori – oyiga 623 ming so‘m etib belgilandi.

Kam ta’minlangan oilalarga bolalar nafaqasi joriy etiladi

Prezident farmoniga asosan 14 yoshgacha bolalari bo‘lgan oilalarga nafaqa hamda bola 2 yoshga to‘lguniga qadar uni parvarish qilish nafaqasi o‘rniga kam ta’minlangan oilalarga bolalar nafaqasi joriy etiladi.

Bolalar nafaqasini tayinlashda:

• inobatga olinadigan bolalar yoshi 14 yoshdan 18 yoshgacha oshiriladi;
• to‘lov muddati 6 oydan 12 oygacha oshiriladi;
• uning miqdorini oiladagi bolalar sonidan kelib chiqib belgilash tartibi qo‘llanadi.

Shuningdek, yakka-yolg‘iz bo‘lgan fuqarolarga, farzandi bo‘lmagan yoki barcha farzandlari 18 yoshdan katta bo‘lgan kam ta’minlangan oilalarga moddiy yordam tayinlanadi.

2021 yil 1 sentyabrdan boshlab bolalar nafaqasi va kam ta’minlangan oilalarga moddiy yordam to‘lovlari quyidagi miqdorlarda belgilandi:

a) bolalar nafaqasining har oylik miqdori:

• 250 000 so‘m — 3 yoshdan 18 yoshgacha bo‘lgan bitta farzandi uchun, 325 000 so‘m — yoshi 3 yoshgacha bo‘lgan bitta kichik farzandi uchun;
• 150 000 so‘m — oilaning ikkinchi farzandi uchun qo‘shimcha;
• 100 000 so‘mdan — oilaning uchinchi va undan keyingi har bir farzandi uchun;

b) kam ta’minlangan oilalar uchun moddiy yordamning oylik miqdori — 380 000 so‘m.

Haydovchilardan bir qator hujjatlarni talab qilish tartibi bekor qilinadi

Hukumat qarori bilan haydovchilardan avtomototransport vositasini boshqarish uchun ishonchnoma (notarial tartibda tasdiqlangan), texnik ko‘rikdan o‘tkazilganligi to‘g‘risidagi ma’lumot, avtotransport vositalari oynalarining tusini o‘zgartirishga (qoraytirishga) ruxsatnoma elektron shaklga o‘tkazish orqali mazkur hujjatlarni avtomototransport vositasi haydovchisidan talab etish tartibi bekor qilinadi.

Yakka tartibdagi taksichilar o‘z faoliyatini faqat agregatorlar xizmatidan foydalangan holda amalga oshiradi

Prezident qaroriga ko‘ra, yakka tartibdagi taksichilar o‘z faoliyatini faqatgina agregatorlar xizmatidan foydalangan holda amalga oshiradi.

Agregatorlar xizmatidan foydalanish uchun yuridik shaxslarga tegishli yo‘nalishsiz taksi yoki yakka tartibdagi taksi litsenziyasiga ega bo‘lish, maxsus tekshiruv punktlarida oylik tibbiy ko‘rikdan o‘tish, 6 oyda kamida 1 marta texnik ko‘rikdan o‘tish kabi shartlarni bajarish lozim bo‘ladi.

Xorijga ishlashga ketayotgan fuqarolarning xorijiy til imtihoni, yo‘l chiptasi va «ishchi viza»ni rasmiylashtirish xarajatlarining bir qismi qoplab beriladi

Prezident qaroriga asosan 2021 yil 1 sentyabrdan 2022 yil 1 sentyabrga qadar Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasi mablag‘lari hisobidan «labor-migration» dasturiy majmuasida ro‘yxatdan o‘tgan, kasb-hunar yoki xorijiy tillarga o‘qigan va tashkillashtirilgan mehnat migratsiyasiga ketayotgan fuqarolarga:

• xorijiy tillar yoki kasb bo‘yicha malaka imtihonlarini topshirish bilan bog‘liq xarajatlarini qoplash uchun, basharti ular muvaffaqiyatli topshirilganda — BHMning 3 baravarigacha miqdorda;
• yo‘l chiptasini xarid qilish bilan bog‘liq xarajatlarini qoplash uchun — BHMning 2 baravarigacha miqdorda;
• rivojlangan davlatlarda mehnat faoliyatini amalga oshirishga «ishchi viza»ni rasmiylashtirish bilan bog‘liq xarajatlarini qoplash uchun — BHMning 5 baravarigacha miqdorda kompensatsiya to‘lanadi.

Tug‘ilganlikni qayd etish bilan bog‘liq kompleks davlat xizmatlari butun respublika hududida ko‘rsatiladi

Hukumat qaroriga muvofiq, tug‘ilganlikni qayd etish bilan bog‘liq kompleks davlat xizmatlari butun respublika hududida ko‘rsatiladi.

Ma’lumot uchun, tug‘ilganlikni qayd etish bilan bog‘liq kompleks davlat xizmatlari:

• bolaning ota-onasi yoki vasiysi (homiysi), tutingan ota-onasi, ularning o‘rnini bosuvchi shaxslar yoki ularning yaqin qarindoshlariga yoxud ota-onasidan biri vakolat bergan boshqa shaxslarga tug‘ilganlik haqidagi tibbiy ma’lumotnoma berish;
• tug‘ilganlikni qayd etish;
• poliklinikaga hisobga qo‘yish;
• bir martalik nafaqa pulini olish;
• bolani otasi yoki onasi yoxud vasiysi (homiysi), tutingan ota-onasi doimiy ro‘yxatda turgan manzili bo‘yicha ro‘yxatga qo‘yish;
• bolani davlat maktabgacha ta’lim tashkilotiga navbatga qo‘yish bo‘yicha ko‘rsatiladigan davlat xizmatlarini qamrab oladi.

Gul eksport qiladigan tadbirkorlar xarajatlarining yarmi qoplab beriladi

Prezident qaroriga ko‘ra, 2021 — 2024 yillarda yillik eksport tushumida gul eksportidan tushum ulushi kamida 30 foizni va 100 ming AQSh dollardan ko‘pni tashkil qiladigan tadbirkorlik sub’yektlarining xomashyo (gul ko‘chatlari, urug‘lari, piyozlari va payvandtaglari) importi uchun sarflangan transport xarajatlarining 50 foizi Eksportni rag‘batlantirish agentligi tomonidan qoplanadi.

Pedagog kadrlarini attestatsiyadan o‘tkazish yil davomida amalga oshiriladi

Prezident qaroriga binoan malaka toifasini berish va saqlab qolish bo‘yicha maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish yil davomida amalga oshiriladi.

Shuningdek, uzrli sabablarga ko‘ra (mehnatga layoqatsizlik, homiladorlik, tug‘ish hamda bolani parvarish qilish ta’tili va boshqalar) attestatsiyadan o‘tmagan pedagog kadrlar ish faoliyatiga qaytganlariga bir yil to‘lgandan so‘ng attestatsiyaga jalb etiladi va mazkur davr mobaynida ularning malaka toifasi saqlab qolinadi.

Ilmiy unvon va ilmiy darajalarni berish vakolati respublikaning nufuzli oliy ta’lim muassasalariga o‘tkaziladi

Prezident farmoniga ko‘ra, ilmiy unvon va ilmiy darajalarni berish vakolati 2021 yil 1 sentyabrdan boshlab respublikaning nufuzli oliy ta’lim muassasalarining ilmiy kengashlariga bosqichma-bosqich o‘tkaziladi.

Jismoniy shaxslarning avtotransport vositalari ko‘chma texnik nazorat liniyalarida majburiy texnik ko‘rikdan o‘tkaziladi

Hukumat qaroriga ko‘ra, jismoniy shaxslarga tegishli bo‘lgan M1 toifadagi avtotransport vositalarini tadbirkorlik sub’yektlari tomonidan majburiy texnik ko‘rikdan o‘tkazishda harakatlanuvchi mobil texnik nazorat liniyalaridan foydalaniladi.

Shuningdek, xorijiy davlatlarga chiqadigan transport vositalaridan tashqari barcha transport vositalariga texnik ko‘rikdan o‘tganligi to‘g‘risidagi talonlarni berish amaliyoti bekor qilinadi.

Davlat ishtirokidagi tashkilotlar tomonidan birjada sotilayotgan mahsulotlarni avtotransportda tashish xizmatlari faqat elektron auksion tartibida amalga oshiriladi

Prezident qaroriga ko‘ra, monopol va davlat ishtirokidagi tashkilotlar tomonidan birja savdolarida sotilayotgan mahsulotlarni avtotransportda tashish xizmatlari faqat elektron logistika savdo portali orqali auksion tartibida amalga oshiriladi.

Ichki ishlar organlarining serjant tarkibidagi lavozimlariga faqat oliy ma’lumotlilar qabul qilinadi

Prezident qaroriga binoan 2021 yil 1 sentyabrdan boshlab:

• ichki ishlar organlari rahbar tarkibining tegishli lavozimlariga tayinlanish uchun Akademiya magistraturasida o‘qish lozim bo‘ladi;
• ichki ishlar organlarining serjant tarkibidagi lavozimlarida xizmatni o‘tash uchun faqat oliy ma’lumotga ega bo‘lgan shaxslar qabul qilinadi;
• ichki ishlar organlarining safdor tarkibidagi lavozimlariga nomzodlar faqat idoraviy akademik litseylar, harbiy-akademik litseylar bitiruvchilari, profilaktika inspektorining yordamchilari, shuningdek, oliy ma’lumotga ega yoki sirtqi ta’lim shakli bo‘yicha tahsil olayotgan shaxslar orasidan qabul qilinadi.

Masofaviy ta’lim beruvchi NTMlarga binoga ega bo‘lish talabi bekor qilinadi

Prezident qaroriga ko‘ra, masofaviy (onlayn) ta’limga asoslangan nodavlat ta’lim xizmatlarini ko‘rsatish uchun mulkiy yoki boshqa ashyoviy huquqlar asosida binolarning mavjud bo‘lishi haqida talab bekor qilinadi.

Xorijiy tillarni o‘qitish bo‘yicha eng yaxshi natijalarga erishgan maktablarga Prezident sovrini beriladi

Prezident qaroriga asosan xorijiy tillarni o‘qitish bo‘yicha eng yaxshi natijalarga erishgan maktablarni rag‘batlantirish maqsadida O‘zbekiston Respublikasi prezidenti sovrini ta’sis etiladi.

Bunda, sovrin uchun musobaqalar umumta’lim maktablari o‘rtasida 3 bosqichda tashkil etiladi.

Davlat tashkilotlariga ishga qabul qilishdagi tanlov jarayonlarini Internetda jonli kuzatish mumkin bo‘ladi

Prezident qarori bilan davlat hokimiyati va boshqaruvi organlari, davlat unitar korxonalari va muassasalari, davlat ulushi 50 foizdan yuqori tashkilotlarda (keyingi o‘rinlarda — davlat organlari va tashkilotlari) ishga qabul qilishni ochiq tanlov asosida amalga oshirish hamda tanlov doirasida o‘tkaziladigan sinov tadbirlarini Internet tarmog‘i orqali real vaqt rejimida kuzatishni nazarda tutuvchi tartib joriy etiladi.

Jismoniy va yuridik shaxslardan obektlarni «E-auksion» platformasida auksionga chiqarganlik uchun yig‘im olinmaydi

Prezident qarori bilan «E-auksion» savdo platformasidagi elektron onlayn-auksionlar tartib-taomillarining yagona tartibi joriy etildi. Unga ko‘ra, ishtirokchilarga auksionda qatnashish uchun elektron raqamli imzo kaliti sertifikati bepul taqdim qilinadi hamda jismoniy va yuridik shaxslar tomonidan obektlarni auksionga chiqarish uchun to‘lanadigan yig‘im bekor qilinadi.

rezident Shavkat Mirziyoyev raisligida atrof-muhitni muhofaza qilish sohasidagi ustuvor vazifalarga bag‘ishlangan videoselektorda oktabr-noyabr oylarida 55 million dona, kelgusi yil bahor mavsumida avtomobil yo‘llari, dala chetlari, barcha aholi maskanlarida 70 million dona tut, pavlovniya, mevali va manzarali daraxtlar, shuningdek, tez o‘suvchi va boshqa ko‘chatlarni ekish vazifasi qo‘yildi.

Davlat rahbari Toshkent shahri tumanlari, viloyat markazlari va yirik shaharlarda daraxtlar va ekinlar mahalliy iqlimni inobatga olmasdan, pala-partish ekilayotgani bois kundan kunga qurib borayotgani, tuman hokimlari obodonlashtirish va ko‘kalamzorlashtirish ishlarini o‘z holiga tashlab qo‘ygani, shahar ko‘chalari chiqindiga to‘lib ketgani bilan hech kimning ishi yo‘qligini qattiq tanqid qildi.

«Tuman hokimlari obodonlashtirish va ko‘kalamzorlashtirish ishlarini o‘z holiga tashlab qo‘ygan, shahar ko‘chalari chiqindiga to‘lib ketgani bilan hech kimning ishi yo‘q. Qani tuman hokimi, qani sektor rahbari?» deya prezidentning so‘zlarini keltirmoqda Kun.uz muxbiri.

Har bir mahallaga daraxtlarni parvarishlash uchun Jamoat ishlari jamg‘armasi hisobidan 1 nafardan ishchi biriktirilishi belgilandi.

Tuman va shahar obodonlashtirish bo‘limlariga ajratilayotgan 10 mingta shtat doirasida har bir tuman (shahar) hududidan kelib chiqib 5ta ishchidan iborat daraxtlarni saqlash bo‘yicha guruhlar tashkil etiladi.

Prezident ekologiyani yaxshilash bo‘yicha navbatdagi vazifalarni belgilab berdi:

• 1,3 ming kilometr magistral yo‘llar bo‘ylarida, hududlarning iqlimidan kelib chiqib, sentabr-dekabr oylarida 480 ming dona hamda kelgusi yil bahor oylarida 330 ming dona chinor, eman, jiyda terak va boshqa daraxt ko‘chatlarini ekish;
• yil yakuniga qadar shaharlar va tuman markazlarida 16 million tup mevali, yong‘oq manzarali va daraxtlar buta ko‘chatlari ekish;
• aholi xonadonlari, tadbirkorlik obektlari hududi va ularning yon atrofida 42 million dona tut, yong‘oq, jiyda kabi daraxtlar ekish;
• dala maydonlari atrofi hamda kanallar bo‘yida 53 million dona tut, jiyda, manzarali daraxt va buta ko‘chatlari ekish;
• o‘rmon xo‘jaliklari hududlarida 3 million dona tut ko‘chati ekish;
• Mudofaa vazirligi tasarufidagi muassasalarda, shu jumladan Chorvoq suv ombori hamda  Krasnogorsk shaharchasi atrofidagi o‘rmon hududlarida 500 ming dona manzarali, mevali va buta ko‘chatlarini ekish;
• ikki oy muddatda shaharlar va tumanlar markazlaridagi 4,5 ming kilometr ichki irrigatsiya tarmoqlari faoliyatini tiklash.

Davlat rahbari har bir hududning o‘ziga xosligidan kelib chiqib, ushbu hudud uchun mos bo‘lgan daraxt ko‘chatlarini ko‘paytirish zarurligini ta’kidladi.

Misol uchun, Andijon, Paxtabod va Marhamat tumanlarida 30dan ziyod pavlovniya yetishtiruvchi xo‘jaliklar tashkil etilgan va hozirda ular 5 million dona ko‘chatlar ekishga tayyor. 

Bunday xo‘jaliklarni qo‘llab-quvvatlash uchun hamda aholini sifatli ko‘chatlar bilan ta’minlash maqsadida har bir hududda «Yashil zamin» jamg‘armalari tashkil etiladi.

Viloyat hokimlariga oktabr-noyabr oylarida «Yashil zamin» jamg‘armasi mablag‘lari hisobidan kamida 5 million tup mevali va manzarali daraxt ko‘chatlarini aholiga bepul tarqatish topshirig‘i berildi.

O‘zbekistonda yo‘l qurilishi va ta’mirlash ishlariga sarflangan pulni nazorat qilish uchun “Shaffof Yo’l” onlayn axborot platformasi va uning mobil ilovasi ishga tushiriladi. Bu haqda Prezidentning umumxalq muhokamasiga qo‘yilgan “Yo‘l qurilishi va ekspluatatsiyasi sohasida ochiqlik standartlarini joriy etish chora-tadbirlari to‘g‘risida”gi qarori loyihasida so‘z boradi.  

Ushbu platformada quyidagilar aks etadi:

• avtomobil yo‘llari qurilishi bo‘yicha barcha davlat dasturlari va mahalliy dasturlar bir joyda jamlanadi;
• qurilishi va ta’mirlanishi rejalashtirilgan yo‘llarning barchasi onlayn-xaritada yaqqol ko‘rinib turadi;
• shu xaritaning o‘zida qurilish yoki ta’mirlashni amalga oshirayotgan tashkilot, sarflanayotgan mablag‘, bajarilgan ishlarning ahvolini bevosita kuzatib borish imkoni paydo bo‘ladi;
• yo‘l jamg‘armalarining barcha tushumlari real vaqt rejimida platformada “onlayn-hisoblagich”da ko‘rinib turadi. Masalan, avtomobilni ro‘yxatdan o‘tkazganda yo‘l jamg‘armasiga to‘langan mablag‘ qayerga ketganligini shu zahoti bilib olsa bo‘ladi;
• aholida yo‘llar nosozligi, harakatlanish uchun paydo bo‘lgan muammolar haqida foto va videomurojaatlar qoldirish imkoniyati paydo bo‘ladi. 

Shuningdek, har yili 1 dekabrgacha Qoraqalpog‘iston Respublikasi va viloyatlar avtomobil yo‘llari bosh boshqarmalari viloyat, tuman va shahar hokimliklari bilan birgalikda keyingi yilda qurilishi, ta’mirlanishi ko‘zda tutilgan barcha toifadagi yo‘l uchastkalarini oldindan aniqlash, ularni xaritaga joylash va buni keng jamoatchilikka taqdim etish amaliyotini yo‘lga qo‘yadi.

Eslatib o‘tamiz, 2020 yilda yo‘l va ko‘prik qurilishi sohasida byudjetdan ajratilgan pullarni o‘zlashtirish holati bo‘yicha 40 ga yaqin jinoyat ishi ochilgani va ularda 11,5 mlrd so‘mlik davlat mulki talon-toroj qilingani fosh etilgan.

Ushbu web sayt Jizzax viloyat avtomobil yo’llari boshqarmasi rasmiy sayti bo’lib, hozirda test rejimida ishlamoqda !