Jizzax viloyat avtomobil yoʼllari bosh boshqarmasining masʼul xodimlari ishtirokida joriy yilning 8 avgust kuni qabul qilingan “Davlat fuqarolik xizmati toʼgʼrisida”gi Qonun mazmun-mohiyatini batafsil tushuntirishga bagʼishlangan tadbir tashkil etildi.
Tadbirda boshqarmaning bosh yuristkonsulti Yusuf Kamalov mazkur qonun mazmun mohiyatini tushuntirib, qonun orqali davlat xizmati xodimlari tanlov asosida ishga qabul qilish va kadrlar rotatsiyasi, xodimlarni ragʼbatlantirish, ijtimoiy taʼminot, tadbirkorlik bilan shugʼullanishga qoʼyilgan cheklovlar, xorijda hisob raqam ochish va manfaatlar toʼqnashuviga yoʼl qoʼymaslik, daromadlar va mol-mulkni majburiy deklaratsiyalash xususida soʼz yuritdi.
